മാനത്തെ മാരിവില്ലിനെ
ലാമിനേറ്റു ചെയ്യാന്‍ ശ്രമിച്ചതാണ്
എന്റെ ആദ്യത്തെ പിഴ.
തൊട്ടുതലോടി കടന്നുപോകും
മാരിവില്ലിനെ കുപ്പിയിലടക്കാന്‍ ശ്രമിച്ചതും
വലിയ പിഴ.
മൂവന്തിച്ചോപ്പില്‍ തൊട്ടു
ചുണ്ടില്‍ ചായം തേക്കാന്‍ ശ്രമിച്ചതും
പൌര്‍ണമിയില്‍ പാല്‍ക്കിണ്ണം കൊതിച്ചതും
പിഴ..
ഓര്‍മയിലെ മയില്‍‌പ്പീലിക്കുഞ്ഞുങ്ങള്‍ക്ക്
പുസ്തകമടച്ച്
ഇരുട്ടില്‍ കാവലിരുന്നതും
പിഴ....
തെറ്റുകള്‍ക്കുള്ളിലും
ശരിയുടെ മിഴിവെട്ടം കാണാന്‍
കൊതിയോടെ കാത്തിരിക്കുന്നതും
പിഴ...
വലിയ പിഴ...
(2010)
ممتاز نجما .كزد
ReplyDeletedddd
ReplyDelete